Kanë përfunduar pjesët e para në dy ndeshjet kryesore të orës 16:00 në elitën e futbollit anglez.

Arsenali është në disavantazh pas 45 minutave të para nga Bournemouth në stadiumin “Emirates”.

Mysafirët kanë avancuar vetëm pas disa sekondave lojë me golin e Billing, shkruan lajmi.net.

“Topçinjtë” në minutat në vazhdim dominuan duke tentuar golin e barazimit, por pa e arritur cakun.

Në takimin tjetër në Londër, Chelsea dhe Leeds United kanë shkuar në pushim me rezultat të barabartë 0:0 në stadiumin “Stamford Bridge”.

Kai Havertz kishte mundësi të artë të kalonte “Blutë” në avantazh sikur të tregohej i saktë përball me portierin i cili priti goditjen e tij në minutën e 16-të.

Ndryshe, dy përballjet në fjalë po luhen në kuadër të javës së 26-të në Premierligë./Lajmi.net/