Lajmi i keq ishte në pritje por tani është bërë zyrtar.

Mesfushori i Bayern Munichut, Javi Martinez do të mungojë për së paku 6-7 muaj për shkak të lëndimit të rëndë në ligamentet e gjurit të majtë. Martinez u zëvendësua gjatë ballafaqimit të Superkupës së Gjermanisë në humbjen nga Borussia Dortmund të mërkurën.

Në momentin e lëndimit Martinez ishte duke luajtur në rolin e qendërmbrojtësit të cilin e ka mbuluar shpeshherë në të kaluarën.

Tani, drejtuesit e Bayernit do të kthehen në treg në kërkim të një alternative për treshen Dante, Boateng e Badstuber.