Levski, fitues i Ligës Ballkanike
Levski e ka fituar trofeun e Ligës Ballkanike pasi e mposhti në finale skuadrën izraelite, Galil Gilboa, 75:69. Ndërkaq, pozita e tretë i ka takuar ekipit Balkan, që e mposhti Sigal Prishtinën.
Sport
Levski është fitues i Ligës Ballkanike. Skuadra bullgare ia doli ta mposht në finale Galil Gilboan me rezultat 75:69, për t’u stolisur me trofeun e më të mirit në këtë eveniment.
Për skuadrën bullgare, kjo ishte hera e parë që e fiton këtë kompeticion, ndërsa ekipi izraelit dështoi ta fitonte titullin e tretë rresht.
Siç dihet, Sigal Prishtina, organizatore e fazës finale të këtij turneu, disa orë më parë humbi nga ekipi tjetër bullgar, Balkan, duke përfunduar në pozitën e katërt në këtë eveniment, në të cilin debutoi sivjet.