Selektori i Shqipërisë, Gianni de Biasi i dha pikë maksimale fituesit të Topit të Artë, Cristiano Ronaldo. Mirëpo, ai ka një kërkesë të veçantë për yllin e Real Madridit.

Ai shpreson se Ronaldo të mos i shënojë Shqipërisë në ndeshjen kualifikuese për Euro 2016.

“E votova Cristiano Ronaldon për ta fituar “Topin e Artë” sepse ai ka luajtur në mënyrë të mahnitshme në vitin e kaluar. Ishte fantastik. Por, shpresoj që ai të mos shënoj gol ndaj Shqipërisë”, ka thënë italiani për mediet shqiptare.

Njësoj si De Biasi, edhe kapiteni i Shqipërisë, Lorik Cana e ka votuar Ronaldon për çmimin e futbollistit më të mirë të vitit në botë.