Manchester United është kualifikuar në gjysmëfinale të FA Cup falë triumfit dramatik kundër Fulhamit.

“Djajtë e Kuq” fituan 3:1 me përmbysje në rezultat ndaj Fulhamit në stadiumin “Old Trafford”, shkruan lajmi.net.

Sulmuesi Mitroviq kaloi mysafirët në avantazh në minutën e 50-të të ballafaqimit.

I njëjti, bashkë me shokun e tij të skuadrës, Willian u përjashtuan me karton të kuq në minutën e 72-të. Përveç tyre, në minutën e 78-të te Fulhami u përjashtua me të kuq edhe Silva.

Man United barazoi rezultatin me golin nga penalltia të konkretizuar nga Bruno Fernandes në minutën e 75-të.

Vetëm dy minuta më vonë, Sabitzer me gol nga afërsia i dha qetësinë Manchester Unitedit.

Goditjen e fundit mysafirëve ua dha sërish Bruno Fernandes me golin e minutës së gjashtë shtesë./Lajmi.net/