Që prej transferimit të tij nga Chelsea në Real Madrid, Hazard ka vuajtur nga shumë lëndime.

Belgu asnjëheri nuk përmbushi pritshmëritë deri më tani, pikërisht si pasojë e këtyre lëndimeve. Por, selektori i Belgjikës beson se lojtari do ta kalojë këtë fazë dhe do të shkëlqej me ‘Los Blancos’.

“Ne ishim të bindur se ai do të tregonte sukses, pasi atij nuk i duhet shumë, kur është në gjendje të mirë, që të arrij nivelin e duhur” ka thënë Martinez për ‘AS’, transmeton lajmi.net.

“Ai ka karakterin e duhur për të reaguar si duhet, kur ka situata të tilla” ka shtuar trajneri.

Hazard ka humbur të dyja klasiket kundër Barcelonës, nga lëndimet që pësoi, por ka humbur edhe fazat kyçe të sezonit. /Lajmi.net/