Deputeti i zgjedhur i VV-së, Haxhi Avdyli ka mbështetur vendimin e KQZ-së për rinumërim të 914 vendvotimeve të votave të kandidatëve për deputetë.

Ai ka paralajmëruar komisionerët që kanë prekur me dashje vullnetin e qytetarëve, se do të hetohen nga Prokuroria, transmeton lajmi.net.

“Deri në rinumërimin e votave, dhe publikimin e votave reale, nëse e keni mizën pas veshit, duhet të keni arsye të shqetësoheni.”, tha ndër të tjera Avdyli.

Postimi i plotë:

Ju, komisionerë që me dashje keni prekur në vullnetin e qytetarëve duke shtuar apo hequr vota ndaj kandidatëve, ta dini se keni për tu hetuar nga prokuroria.

Deri në rinumërimin e votave, dhe publikimin e votave reale, nëse e keni mizën pas veshit, duhet të keni arsye të shqetësoheni.

Prekja e vullnetit real të qytetarit është vepër penale.

Përshendes vendimin për rinumërim. /lajmi.net/