Getinjo është shumë aktiv në rrjete sociale, në të cilat nuk mungojnë edhe postimet për çështje aktuale në vend, shkruan lajmi.net.

Postimi i tij i fundit ka të bëjë me politikë, ani se ai nuk kishte sqaruar saktësisht se për çka e kishte fjalën.

Reperi postoi një fotografi të kryetarit të Partisë Demokratike të Kosovës, Kadri Veseli dhe shkruan “Moti i ka dit senet ky shoq”.

Supozohet që ky postim të ketë të bëjë me reagimin e Veselit pas vendimit të kryeministrit Albin Kurti Lidhur me tarifën ndaj Serbisë.

“E mendonte veten si më të mençurin dhe më të fortin; sikur të ishte vetë Kosova. Po del që është edhe i padijshëm, edhe i dobët, edhe mashtrues, dhe që Kosova në krye me të mund të rrezikohet seriozisht”, kishte shkruar ndër të tjera Veseli në një postim që bëri në Facebook. /Lajmi.net/