Manchester City ka shënuar fitore ndaj Leipzigut në kuadër të xhiros së dytë të Grupit G në Ligën e Kampionëve.

“Qytetarët” triumfuan 1:3 ndaj Leipzigut në Gjermani, shkruan lajmi.net.

Foden zhbllokoi shifrat në minutën e 25-të, epërsi e cila zgjati deri në minutën e 48-të kur Openda barazoi për vendasit.

Megjithatë, gjashtë minuta para fundit të takimit në skenë doli Alvarez që shënoi golin e dytë për Cityn.

Golin e tretë për anglezët e realizoi Doku në minutën e dytë shtesë.

City me këtë fitore është e para në tabelë me gjashtë pikë, ndërsa Leipzig i dyti me tri pikë.

Fitore të vështirë por me vlerë të madhe ka marrë edhe Barcelona në udhëtim te Porto.

Barcelona triumfoi 0:1 kundër Portos në Portugali me golin e Torres në minutën e parë shtesë të pjesës së parë.

Barça është e para në grup me gjashtë pikë, tri më shumë se Porto një vend më pak./Lajmi.net/