Klubi i futbollit Chelsea planifikon të vendosë 12 lojtarë në listën e transferimeve në fund të sezonit, përfshirë edhe sulmuesin shqiptar, Armando Brojën, raporton British Athletic, transmeton lajmi.net.

Mediat britanike kujtojnë se pronari i ri i Chelseat, Todd Boehly, ka shpenzuar më shumë se 600 milionë euro për përforcime në dy transferimet e fundit, por Chelsea është vetëm në vendin e dhjetë në tabelën e Premierligës me 37 pikë.

Boehly planifikon të fitojë të paktën 260 milionë euro nga shitja e lojtarëve në merkaton e verës.

Në listën e transferimeve janë: Mateo Kovaqiq, Mason Mount, Cesar Azpilicueta, Ruben Loftus-Cheek, Christian Pulisiq, Ben Chilwell, Conor Gallagher, Hakim Ziyech, Armando Broja, Kai Havertz, Sterling dhe Pierre-Emerick Aubameyang.

Shumica e kontratave të këtyre lojtarëve skadon në qershor 2024 dhe pronari Chelsea dëshiron t’i shesë në fund të këtij sezoni, pasi klubi londinez mund të mbetet pa dëmshpërblim./Lajmi.net/