Chelsea ka vazhduar me transfere teksa së fundmi i ka siguruar shërbimet e futbollistit të Manchester Cityt, Cole Palmer.

Cole i ka kushtuar klubit nga Londra 50 milionë euro.

Palmer me “Blutë” ka nënshkruar kontratë shtatë-vjeçare, të vlefshme deri në verën e vitit 2030.

21-vjeçari ka thënë se është shumë i lumtur që do të jetë pjesë e ekipit nga Londra dhe me padurim pret debutimin e tij.

“Jam i emocionuar për të filluar dhe ndihem mirë të nënshkruaj. Jam bashkuar me Chelsean sepse projekti këtu tingëllon mirë dhe për shkak të platformës do të duhet të përpiqem të shfaq aftësitë e mia. Është një skuadër e re dhe e uritur dhe, shpresojmë, ne mund të bëjmë diçka të veçantë këtu”, u shpreh ai pas zyrtarizimit.

Ai është zhvilluar në akademinë e Cityt, ndërsa ishte pjesë e ekipit të parë prej vitit 2021.

Palmer këtë edicion ka regjistruar tri paraqitje për Cityn, ku ka shënuar dy gola.

Cole është edhe reprezentues i Kombëtares së Anglisë U21.