Sergio Busquets pritet të largohet nga skuadra e Barcelonës në fund të sezonit.

Mesfushori spanjoll është një nga pikat kyçe në planet e Xavi Hernandez, por dy ndeshjet e dobëta, ndaj Real Madrid e Inter, kanë zbehur vetëbesimin e tij.

Sipas raportimeve të fundit, kapiteni do të lë klubin pas 16 viteve shërbim, përcjell lajmi.net.

Busquets ka qenë cak i shumë kritikave së fundmi dhe 34-vjeçari përkundër mbështetjes nga Xavi, duket të jetë dorëzuar.

Ideja e tij aktualisht është të largohet nga klubi në fund të sezonit. Ky largim pritet të jetë emocional për të, pasi te Barca, Busquets ka regjistruar 690 paraqitje – gjithë karrierën e tij. /Lajmi.net/