Barcelona ende ka shanse të fitojë Ligën e Kampionëve.

Mos u ngutni, nuk e kemi fjalën për Lionel Messin dhe bashkëlojtarët e tij që u mposhtën 1:0 nga Atletico Madrid të mërkurën mbrëma në ndeshjen e kthimit në çerekfinale, dhe u përshëndetën nga gara.

Mirëpo, ekipi i të rinjve të gjigantit katalan do të takohet në gjysmëfinale të UEFA Youth League me Schalken, që mposhti favoritin e madh të garës, Chelsea.

Real Madrid dhe Benfica është çifti tjetër gjysmëfinal që do të nxjerrë skuadrën tjetër finaliste, që do t’i bashkohet fituesit të ballafaqimit Barcelona-Schalke.

Suksesi i ekipit të rinjve do të mund të kompensonte sado pak dëshpërimin e madh të skuadrës së parë të Barcelonës që për herë të parë pas gjashtë vjetësh u eliminua në çerekfinale të Ligës së Kampionëve.