Atlético Madrid ka bërë një tjetër lëvizje të rëndësishme në merkato, duke arritur marrëveshje personale me sulmuesin brazilian Marcos Leonardo, i cili aktualisht është pjesë e Al Hilal.

Sipas raportimit të gazetarit të njohur të transferimeve, Fabrizio Romano, bisedimet tashmë po zhvillohen mes dy klubeve për formulën e transferimit, transmeton lajmi.net.

Opsioni që po diskutohet është huazimi me të drejtë blerjeje, ku klauzola përfundimtare mund të arrijë rreth 40 milionë euro.

Po ashtu, është paraparë edhe një shumë e garantuar për huazimin.

Marcos Leonardo thuhet se e ka pranuar tashmë ofertën e klubit madrilen dhe është i gatshëm për kalimin në “Wanda Metropolitano”. Megjithatë, vendimi final mbetet në dorën e Al Hilal, që duhet të japë miratimin përfundimtar për marrëveshjen./lajmi.net/