Një person është arrestuar në fshatin Moglicë të Gjakovës nën dyshimin për uzurpim të pronës dhe armëmbajtje pa leje.

Sipas raportit 24-orësh të Policisë së Kosovës, ankuesi ka raportuar se i dyshuari kishte hyrë me mjetin e tij të punës për të punuar në pronën e tij, shkruan lajmi.net.

“Gjatë kontrollit për siguri te i dyshuari është gjetur dhe konfiskuar një pistoletë me gjashtë copë fishekë”, thuhet në raportin e Policisë.

I dyshuari është arrestuar, ndërsa pas intervistimit, me udhëzim të prokurorit, është liruar në procedurë të rregullt. /Lajmi.net/