Pjesëmarrja e votuesve në zgjedhjet në Izrael është në nivelin më të lartë që nga viti 1973, kur shifrat filluan të regjistroheshin, sipas Komisionit Qendror të Zgjedhjeve, shkruan CNN.

Deri në orën 16:00, sipas kohës lokale, 55.7% e votuesve kishin hedhur votën e tyre, njoftoi komisioni. Kjo është dukshëm më shumë se në të njëjtën orë gjatë zgjedhjeve të vitit 2022, kur pjesëmarrja ishte 47.5%.

Gjithsej, 4,085,075 votues nga rreth 7.3 milionë kanë votuar tashmë, njoftoi komisioni. Kanë mbetur edhe gjashtë orë votim deri në mbylljen e vendvotimeve në orën 22:00, sipas kohës lokale.

Pjesëmarrja e lartë e votuesve përbën rrezik për partitë më të vogla që garojnë për Knessetin, duke i vënë ato në rrezik të mbeten nën pragun zgjedhor, ndërsa pjesëmarrja rritet. Partitë duhet të sigurojnë 3.25% të votave për ta kaluar pragun; numri i përgjithshëm i votave të nevojshme rritet me rritjen e pjesëmarrjes së përgjithshme.