Gjatë mbrëmjes së sotme në “Darkën e të Nominuarve”, një nga konkurrentët preku publikun me rrëfimin e tij të sinqertë dhe plot emocione.

Ai ndau historinë e motrës së tij, e cila është dashuruar me një djalë afrikan – një histori që, sipas tij, tregon se dashuria nuk njeh kufij dhe paragjykime.

“Motra ime është dashuruar me një djalë të klasës, është afrikan dhe është djalë shumë i mirë”, u shpreh ai, duke theksuar se familjarisht e kanë pranuar këtë lidhje pa hezitim.

Në vijim, ai dha edhe një mesazh që u konsiderua një nga momentet më të forta të mbrëmjes: “Më mirë me qenë e lumtur, sesa me qenë me dikë që s’është e lumtur”.

Me këtë deklaratë, ai u bëri thirrje të gjithëve të vendosin lumturinë personale para çdo paragjykimi, norme shoqërore apo presioni të jashtëm. Rrëfimi i tij shkaktoi reagime pozitive si brenda shtëpisë, ashtu edhe në rrjetet sociale, ku shumë e vlerësuan qasjen mbështetëse dhe të hapur.

Ky moment i sinqertë solli një tjetër dimension emocional në edicionin e sotëm, duke rikujtuar se prapa çdo konkurrenti qëndrojnë histori të vërteta njerëzore, të cilat prekin dhe motivojnë publikun.