Ndeshja mes Real Madridit dhe Manchester Cityt e cila u mbyll me rezultat të barabartë e vlefshme për gjysmëfinalen e parë në UEFA Champions League pati shumë polemika, për golin e shënuar nga mysafirët.

Në momentin kur ekipi anglez realizoi golin e barazimit me anë të Kevin De Bruyne, gjatë aksionit Bernardo Silva me një intervenim largoi topin nga vija e fushës, që në fakt ishte jashtë, shkruan Lajmi.net

?️| Arsene Wenger: "VAR should have checked Bernardo Silva's controlling the ball out of play."

beIN Sports later confirmed with 3D technology that the ball was indeed out of play. #rmalive pic.twitter.com/ekcuhoU0Jn

— Madrid Zone (@theMadridZone) May 9, 2023

Eurosport komunikoi me burime nga UEFA të cilët shpjeguan arsyen pse goli iu pranua skuadrës së Pep Guardiolas dhe pse sistemi VAR nuk mund të ndërhynte.

“Prekja e Bernardo Silvas ishte jashtë, megjithatë VAR nuk mund të ndërhynte sepse Real Madridi e kishte rikthyer topin dhe qysh nga ai moment konsiderohet si një aksion i ri i lojës. Një gabim i gjyqtarit, por që nuk mund të ndryshohet”, thuhet në burimin e UEFA-s.

Kujtojmë që ndeshja kthyese mes Manchester Cityt dhe Real Madridit zhvillohet javën e ardhshme (e mërkurë) nga ora 21:00 në stadiumin “Etihad” derisa rezultati momental është 1 me 1./Lajmi.net/