Chelsea dhe Liverpooli kanë barazuar në ndeshjen e mbetur të javës së tetë në elitën e futbollit anglez.

Ndeshja e zhvilluar në stadiumin “Stamford Bridge” në Londër u mbyll me rezultatin që edhe nisi, 0:0, shkruan lajmi.net.

Pas përfundimit të ndeshjes, sulmuesi i Liverpoolit, Darwin Nunez e gëzoi një tifoz të ri të “Të Kuqve” i cili festonte ditëlindjen.

Tifozi i ri mbante në duar një mesazh të çuditshëm, ndërsa Nunez u afrua dhe i dhuroi fanellën e tij.

“Nunez të dua më shumë se babain tim. Kam ditëlindjen” – shkruhej në pankartën që mbante në duar tifozi i ri i Liverpoolit.

A special birthday gift from @Darwinn99 ❤️ pic.twitter.com/tB2T3z9Np2

— Liverpool FC (@LFC) April 4, 2023

Ndryshe, Chelsea me këtë pikë mbetet në vendin e 11-të me 39 pikë.

Liverpooli ka 43 pikë dhe zë vendin e tetë në Premierligën angleze./Lajmi.net/