Boksieri nga Kosova Bernardin Jakaj e ka mposhtur boksierin serb Marko Nikoliq, në kategorinë gjysmë të rëndë.

Jakaj e dominoi këtë meç që nga fillimi deri në fund, madje duke e gjunjëzuar serbin Nikoliq, në raundin e dytë, shkruan Lajmi.net

Fitorja në fund  u vendos në favor të Jakajt me vendim unanim të gjyqtarëve.

Kjo është fitorja e 14-të rresht e Jakajt, në karrierën e tij në boksin profesionist, pa pësuar akoma asnjë humbje.

Kujtojmë që boksieri serb kishte provokuar kosovarin duke bërë foto me hartën e Kosovës.