Crystal Palace ka njoftuar zyrtarisht se e ka shkarkuar trajnerin Patrick Vieira.

Lajmi është konfirmuar nga faqja zyrtare e klubit të Premierligës, shkruan lajmi.net.

Arsyeja e shkarkimit të Vieiras vjen pas rezultateve jo të mira në ndeshjet e fundit në Premierligë.

“Klubi i futbollit Crystal Palace mund të konfirmojë se Patrick Vieira është larguar nga posti i tij si menaxher i ekipit të parë. Tre anëtarë të stafit të trajnerit të Patrick – Osian Roberts, Kristian Wilson dhe Saïd Aïgoun – janë larguar gjithashtu nga klubi”, thuhet në njoftimin zyrtar të Crystal Palace.

Crystal Palace Football Club can confirm that Patrick Vieira has left his post as First Team Manager.#CPFC

— Crystal Palace F.C. (@CPFC) March 17, 2023

Kryetari i klubit, Steve Parish foli për faqen zyrtare duke treguar arsyen e shkarkimit të shtabit teknik.

“Me keqardhje të madhe është marrë ky vendim i vështirë. Në fund të fundit, rezultatet në muajt e fundit na kanë vendosur në një pozicion të pasigurt në ligë dhe ne ndjemë se një ndryshim është i nevojshëm për të na dhënë shansin më të mirë për të ruajtur statusin e Premierligës”, tha ai.

Crystal Palace pozicionohet në vendin e 12-të në Premierligë me 27 pikë të grumbulluara./Lajmi.net/