Futbollistët e Arsenalit vazhduan serinë e tyre të fitoreve pasi mposhtën Fulhamin me rezultat 0:3 jashtë shtëpisë dje në xhiron e 27-të të Premierligës.

Skuadra e Mikel Artetës zgjidhi gjithçka në pjesën e parë me golat e Gabrielit në minutën e 21-të, Martinellit në minutën e 26-të dhe Martin Odegaardit në kohën e fundit të pjesës së parë.

Me këtë fitore, Arsenali arriti fitoren e pestë radhazi në kampionat dhe mbajti pesë pikë përpara Manchester Cityt, i cili mundi të shtunën Crystal Palace 1:0.

Lojtarët e tij kanë festuar fitoren në dhomat e zhveshjes, por me një veprim hetuan tifozët.

Oleksandr Zinchenko postoi një foto në dhomën e zhveshjes në Instagram të lojtarëve të Arsenalit dhe stafit stërvitor duke pozuar me një kopje të madhe të orës që dikur qëndronte në çatinë e stadiumit të vjetër “Highbury”.

TIME OUT Arsenal stars pose with huge clock in dressing room after win over Fulham – and fans have theory about why#Arsenal #Fulham #EPL #Sport #77betsg pic.twitter.com/uOaQJIhllo

— 77Betsg (@77betsg) March 13, 2023

Arsenali luajti jashtë shtëpisë kundër Fulhamit, ndaj tifozët janë të hutuar nga fakti se skuadra mban një kopje të orës legjendare që u transferua në çatinë e “Emirates” pas largimit nga “Highbury”.

Por disa tifozë analizuan pozicionin e duarve që qëndrojnë në numrat 11 dhe 2.

Në Twitter, ata e interpretuan atë si një mesazh “11 ndeshje dhe dy muaj përpara”, duke aluduar se sa larg është Arsenali nga titulli i tyre i parë në ligë pas afër 20 vjetësh./Lajmi.net/