Tifozëve të Liverpoolit nuk iu mjaftuan shtatë gola për ta turpëruar Manchester United në Premierligë. Ata gjatë ndeshjes në “Anfield” kënduan edhe për Cristiano Ronaldon, yllin portugez që u largua nga Man United për deklaratat e tij duke akuzuar klubin për “tradhti”.

“Të Kuqtë” poshtëruan 7:0 “Djajtë e Kuq” dhe kështu u rikthyen në lojë për Ligë të Kampionëve, shkruan lajmi.net.

Tifozët e Liverpoolit festuan në mënyrë interesante dhe plot humor në fund të ndeshjes.

Gjegjësisht, në Anfield është kënduar një këngë për nder të Cristiano Ronaldos, i cili së fundmi u largua nga United dhe një nga arsyet ishte trajneri Erik ten Hag.

Tifozët e Liverpoolit kënduan “Rroftë Ronaldo”, duke festuar shtatë gola, teksa numri shënonte Cristiano Ronaldon.

Fitorja e Liverpoolit me shtatë gola ishte më e madhja në histori kundër rivalit të përbetuar Man United./Lajmi.net/

Liverpool fans chanting “VIVA RONALDO ” ♥️pic.twitter.com/VQdyeM2xU9

— CristianoXtra (@CristianoXtra_) March 5, 2023