Pep Guardiola ka thurur elozhe për sulmuesin e Manchester Cityt, Erling Haaland.

Tekniku spanjoll duket se mbeti i impresionuar me mënyrën se si norvegjezi e shënoi golin e fitores për “Qytetarët” në minutën 84’, ndaj Dortmundit.

Madje, për ta ilustruar edhe më shumë habinë që pati në momentin e golit, Guardiola e krahasoi këtë “finish” të lojtarit me një gol të Johan Cruyff.

“Kur e pashë atë gol, mendova “Oh, sikur Johan Cruyff”. Cruyff shënoi një gol të tillë ndaj Atletico Madridit”, përfundoi ai. /Lajmi.net/