Lewis Hamilton ka folur për raportet e tij me ish-shokun e skuadrës, Valtteri Bottas.

Hamilton dhe Bottas ishin shokë skuadre për disa vite te skuadra e Mercedes, kurse finlandezi tashmë është pjesë e Alfa Romeo.

Megjithatë, dyshja vazhdojnë të kenë raporte të mira me njëri-tjetrin, dhe siç bën të ditur Hamilton, ata udhëtojnë bashkë për në gara shumicën e kohës.

“Valtteri dhe unë jemi shokë të ngushtë. Shumicën e kohës udhëtojmë për gara së bashku”, ka thënë Hamilton, transmeton lajmi.net.

“Kështu, ne kalojmë shumë kohë së bashku dhe bëjmë biseda të ndryshme”, shtoi shtatë herë kampioni botëror në F1.

Lewis Hamilton ka tashmë një shok të ri te skuadra e Mercedes, George Russell. Megjithatë, kjo nuk e ka penguar atë që ta vazhdojë shoqërinë me Bottas. /Lajmi.net/