Të premten është hedhur shorti për ekipet që kanë kaluar në çerekfinale të Ligës së Kampionëve.

Shorti i vendosi përball Chelsea dhe Real Madrid, njëri ekip kampion në fuqi, tjetri ekipi me më së shumti trofe në këtë garë, shkruan lajmi.net.

Ndeshja e parë do të zhvillohet më gjashtë prill në ‘Stamford Bridge’ dhe mund të luhet me dyer të mbyllura.

Kjo pasi Mbretëria e Bashkuar ka sanksionuar Abramovichin dhe Chelsea nuk lejohet të shesë bileta përveç atyre që i kanë tashmë ato sezonale.

Për këtë shkak ka shumë spekulime se ndeshja mund të luhet pa tifozë, por një gjë të tillë do ta kuptojmë gjatë javëve në vijim./Lajmi.net/