Derisa duket e vështirë të arrihen këto suksese në dekadën e ardhshme, shumë njohës të futbollit besojnë se e ardhja e ‘Los Blancos’ është shumë e ndritshme.

Ka besim se në ‘Santiago Bernabeu’ do të ketë një ekip të së ardhmes, që do të mbizotërojë futbollin evropian dhe botëror.

Klubi është i vetëdijshëm se karrierat e lojtarëve si Luka Modric, Sergio Ramos, Karim Benzema dhe Marcelo ngadalë po shkojnë drejt fundit, kështu përtrirja e skuadrës do të bëhet me disa talentë.

Lojtari i fundit në radarin e Realit është sulmuesi i Lyon, 16 vjeçari Rayan Cherki, i cili krahasohet me Karim Benzeman dhe ka tërhequr vëmendjen e Zinedine Zidanes.

Dy muaj më parë, Real Madrid angazhoi mesfushorin 17 vjeçar brazilian Reinier Jesus, fenomenin e ri që fitoi kampionatin kombëtar me Flamengon.

Përveç Vinicius dhe Rodrygo, Reineri pritet të jetë në mesin e lojtarëve kryesor në Realin e ri.

Te Real do të rikthehet edhe Martin Odegaard, i cili është pjesë e tyre që nga viti 2015, duke bërë disa huazime për rritje si futbollist.

Së bashku me treshen braziliane dhe Odegaard, skuadra e së ardhmes përbëhet edhe nga portieri ukrainas, Andriy Lunin, mbojtësi maroken, Archaf Hakimi, mesfushori japonez Takefusa Kubo, mesfushori Federico Valverde dhe mbrojtësi Eder Militao./Lajmi.net/