Por, nëse do të kthehemi në kohë, kjo gjë do të ishte shumë normale.

Në arkivat e gazetave janë gjetur disa intervista të protagonistëve, karriera e të cilave ka shkuar në anën e kundërt, nga dëshirat që kishin shprehur.

Rafael Marquez dëshironte të vishte fanellën e Real Madrid

Rafa Marquez ishte pjesë e Barcelonës më të mirë në histori. Ai nënshkroi për ekipin e parë në vitin 2003 dhe u largua në vitin 2010, pasi fitoi gjithçka. E ardhmja e reprezentuesit të Meksikës ka mundur të jetë shumë e ndryshme. Në një intervistë për Marca në vitin 2001, ai supozonte se do të luante për Real Madrid. “E vërteta është se unë e shoh veten e veshur me të bardha”, kishte deklaruar Marquez.

Diego Simeone kërkonte Real Madridin

Simeone ka thënë disa herë se kurrë nuk do të stërviste Real Madrid. Diçka që i përgjigjet logjikës së të qenit idhull i Atleticos. Por para se të nënshkruante me këtë skuadër, ai luajti për Sevillan, ku la një fjalë që edhe sot mbahet mend. “Unë do të largohesha nga Sevilla për të shkuar në Madrid. Të thuash ndryshe do të ishte një gënjeshtër, dhe si profesionist është normale që unë të aspiroj të jem në një nga klubet më të mira”, ka deklaruar Simeone për Marca në vitin 1994.

Zinedine Zidane pati preferuar Barcën para Real Madrid

Zinedine Zidane është një idhull i Real Madrid, për atë që ka bërë me këtë skuadër si lojtar dhe pastaj si trajner. Por, para se të nënshkruante me Real Madrid, për Zidanen nuk paraqiste problem të luante me Barcelonën. Në një intervistë për Don Balon, Zidane ka thënë: “Në Spanjë ka dy skuadra që çdo futbollist do të dëshironte të luante. Barcelona dhe Real Madrid. Mes tyre, unë preferoj Barcelonën. Si fëmijë më kanë pëlqyer dy ekipe: Juventus dhe Barcelona. Tani unë luaj te Juventus, mbase në të ardhmen mund të luaj në ‘Camp Nou’./Lajmi.net/