Kampionët e Italisë në vitin 2012 kishte transferuar Pogban nga Manchester United si një lojtar të lirë. Francezi u rikthye në ‘Old Trafford’ në vitin 2016 për 105 milionë euro, si transferimi më i shtrenjtë në futboll i asaj kohe.

Sidoqoftë, kohëve të fundit janë shfaqur informacione të reja që tregojnë se Pogba është i pakënaqur në ‘Old Trafford’ dhe dëshiron të largohet sërish, me Juventusin që janë të gatshëm për nënshkrimin e tij.

Raportohet se agjenti Mino Raiola po punon në mënyrë aktive në këtë transferim, dhe Juventus, janë gati të thyejnë një rekord të ri të klubit të tyre.

Cristiano Ronaldo është transferimi më i shtrenjtë në historinë e ‘Bianconerëve’. Për portugezin verën e vitit 2018 janë paguar 117 milionë euro.

Tuttosport, një gazetë e afërt e Juventus, pretendon se kampionët e Serie A janë gati të paguajnë deri në 120 milionë euro për Pogban./Lajmi.net/