Protestë para Ambasadës së Maqedonisë në Tiranë
Protestuesit kanë mbajtur në duar flamuj të Shqipërisë, si dhe pankarta me mbishkrimet "Shqiptar përjetë", "Jam krenar që jam shqiptar", "Bashkëjetesë dhe barazi", "Një komb një qëndrim", në shenjë solidariteti me shqiptarët e Maqedonisë.
![](https://lajmi.net/wp-content/uploads/2017/03/thumbs_b_c_f9e96c32da78775f47d1dba936f37b5a-1.jpg)
Lajme
Sot në Tiranë është mbajtur një protestë para Ambasadës së Maqedonisë në Shqipëri, me sloganin “kundër diskriminimit të shqiptarëve në Maqedoni”, raporton Anadolu Agency (AA).
Pjesëtarët e Forumit Rinor të Partisë Drejtësi, Integrim dhe Unitet (PDIU), kanë protestuar pas zhvillimeve të fundit në Maqedoni, ku presidenti i vendit refuzoi të mandatojë kreun e partisë Lidhja Social Demokratike të Maqedonisë për krijimin e qeverisë.
Protestuesit kanë mbajtur në duar flamuj të Shqipërisë, si dhe pankarta me mbishkrimet “Shqiptar përjetë”, “Jam krenar që jam shqiptar”, “Bashkëjetesë dhe barazi”, “Një komb një qëndrim”, në shenjë solidariteti me shqiptarët e Maqedonisë.
Kujtojmë se Presidenti i Maqedonisë, Gjorge Ivanov, nuk ia dha mandatin kryetarit të Lidhjes Social Demokratike të Maqedonisë, Zoran Zaev me pretendimin se “nuk do të japë mandatin për formimin e qeverisë së re çdo kujt i cili negocion për platforma të vendeve të huaja me të cilat cenohet populli maqedonas dhe kërcënohet shteti unitar dhe sovraniteti”.
Ndërkohë kjo ka shkaktuar edhe reagime të politikanëve në Shqipëri, si të kryeministrit Edi Rama, kryeparlamentarit Ilir Meta, etj.