Trajneri i Atletico Madridit, Diego Simeone është i lumtur me triumfin e skuadrës së tij ndaj Real Madridit me rezultat të përgjithshëm 4:2, që ua siguroi kualifikimin e mëtutjeshëm për në Copa del Rey.

“E kemi eliminuar ekipin më të mirë në botë, skuadër që triumfoi në Botërorin për klube, dhe Ligën e Kampionëve”, deklaroi Simeone para gazetarëve.

“Në pjesën e parë kemi vuajtur pak sa më shumë, por në të dytën kemi zhvilluar një ndeshje shumë të mirë”, u shpreh ai.

Pas fitores në duelin e parë në Vicente Calderon me rezultat 2:0, Atletico barazoi 2:2 në Santiago Bernabeu dhe u kualifikua tutje ku në xhiron e ardhshme do të takohet me Barcelonën.