Shaqiri refuzon Atleticon

Mesfushori i Bayern Munichut, Xherdan Shaqiri ka refuzuar transferimin te kampioni i La Ligës, Atletico Madrid. Ylli kosovar është në pritje të propozimit të Juventusit.

Sport

26/08/2014 01:15

Të gjithë të çmendur pas Xherdan Shaqirit. Por, ai duket se është në pritje të Juventusit.

Në orët e fundit mesfushori i Bayern Munichut ka marrë një kontakt konkret nga Atletico Madrid, që është përcjellë me një ofertë.

Mirëpo, ylli kosovar e ka refuzuar atë, raporton Gianluca di Marzio nga “Sky Sport Italia”.

Shaqiri besohet se është në pritje të propozimit të kampionit të Italisë, klub me të cilin ka një lidhje të veçantë.

Përndryshe, Shaqiri kërkohet edhe nga Spartak Moska. Bianconerët janë në pritje pasi Bayern Munich ka dhënë sinjale se është i gatshëm të lejojë largimin e mesfushorit të Përfaqësueses zvicerane, në formë të huazimit, në ditët e fundit të këtij afati kalimtar të verës.