Argjentina është favorite për ta fituar Kampionatin Botëror. Për këtë është i bindur Admir Mehmedi, futbollisti shqiptar i cili e pati mundësinë të përballej me Albiceleste, derisa e përfaqësoi Zvicrën në evenimentin që po mbahet në Brazil.

“Argjentina ka kualitete individuale të jashtëzakonshëm. Ne si ekip kemi luajtur mirë, por nuk i kemi lojtarët e kualitetit të tyre”, deklaroi fillimisht sulmuesi i Freiburgut për “Lajm”.

“Messin gjatë gjithë lojës e kishim nën kontroll, por një aksion i tij e vendosi ndeshjen. Ai është i jashtëzakonshëm, ndaj mendoj se në finale do të dalin Brazili dhe Argjentina, por fiton kjo e fundit, sepse ka Messin”, përfundoi futbollisti.