Irani befasoi me lojë të mirë në ballafaqim me yjet e Argjentinës, duke pësuar humbje vetëm në minutat shtesë falë një momenti të magjishëm nga Lionel Messi.

Sulmuesi arriti që të gjunjëzojë Iranin, edhe pse gjatë gjithë ndeshjes gjiganti nga Amerika e Jugut pati vështirësi të mëdha që të shënonte gol në kuadër të ballafaqimit të vlefshëm për rrethin e dytë në Grupin F të Kampionatit botëror në Brazil.

Messi, Sergio Aguero, Gonzalo Higuain e më pas edhe Rodrigo Palacio e Ezequiel Lavezzi nuk arritën të shënojnë deri në minutat shtesë kur Messi e gjeti golin në mënyrë të jashtëzakonshme me një goditje të saktë nga distanca.

Pas ndeshjes, selektori i Iranit, Carlos Queiroz tha se ndihet krenar për paraqitjen e futbollistëve të tij. Dhe, krenarë duket se ndihen edhe në Iran sepse pas ndeshjes një numër i madh i tifozëve kanë dalë në rrugë për të festuar paraqitjen e mirë të ekipit. Paramendoni nëse do të kishin fituar…