Arsenali po mendon të përforcohet për sezonin e ardhshëm. Londinezët do të fokusohen në fazën ofanzive, duke e pasur parasysh se hasën në vështirësi në konkretizime të rasteve sezonin që shkoi.

E kur t’ia shtosh këtë lëndimin e rëndë të Theo Walcott, s’do mend se Topçinjtë kanë nevojë për një sulmues.

Dhe, sipas tabloidit britanik “The Sun”, Gunners ia kanë vënë syrin sulmuesit të Paris Saint Germainit, Ezequiel Lavezzi.

Menaxheri Arsene Wenger është duke e formuar një ofertë, përmes së cilës synon ta bind gjigantin francez që t’ia shesë ish sulmuesin e Napolit, i cili nuk ka treguar shumë në kryeqytetin francez.