Manchester United ka pësuar një nga humbjet më të rënda në histori të klubit nga Liverpoolit të dielën masdite (sot).

“Djajtë e Kuq” u turpëruan 7:0 nga Liverpoolit në stadiumin “Anfield Road”, në kuadër të javës së 26-të në elitën e futbollit anglez, shkruan lajmi.net.

Humbja e sotme me rezultat kaq të thellë nuk i ka ndodhur Manchester United që nga viti i largët 1931.

Me rezultat të njëjtë 7:0, Man United ishte mposhtur para 92 viteve nga Wolves.

7 – Manchester United have suffered their joint-heaviest ever competitive defeat, alongside 7-0 losses to Wolves in December 1931, Aston Villa in December 1930 and Blackburn Rovers in April 1926. Crushed. pic.twitter.com/b3QaUO0ETC

— OptaJoe (@OptaJoe) March 5, 2023

Me shtatë gola diferencë “Djajtë” kishin pësuar edhe në vitet 1930 nga Aston Villa dhe 1926 nga Blackburn Rovers.

Ndryshe, Liverpooli me këtë fitore ngritet në vendin e pestë me 42 pikë. Manchester United mbetet i treti me 49 pikë të grumbulluara./Lajmi.net/