18-vjeçarja Emma Raducanu fituese e US Open për vitin 2021
Tenistja britaneze 18-vjeçare, Emma Raducanu ka bërë historinë duke triumfuar në finale të US Open nga femrat për vitin 2021.
Sport
Kjo ishte një finale tinejxherësh, pasi Raducanu kishte kundërshtare kanadezen 19-vjeçare, Leyah Fernandes.
Raducanu e mposhti kanadezen me dy sete, 6-4 6-3 për tu kurorëzuar me titullin e parë ‘Grand Slam’ në karrierë.
Raducanu e cila ishte e 150-ta në ranglistë, e nisi kampanjën përmes kualifikueseve, duke e fituar secilën prej tyre, që i bie në total dhjetë ndeshje, madje këtë e ka bërë duke mos e humbur asnjë set të vetëm.
18-vjeçarja u bë gruaja e parë që fiton US Open pa humbur asnjë set, që nga Serena Williams më 2014.
Raducanu bëhet tenistja më e re që fiton një ‘Grand Slam’, që nga 17-vjeçarja Maria Sharapova më 2004 kur triumfoi në finalen e Wimbledonit.
Ajo gjithashtu bëhet britanikja e parë grua që fiton një ‘Grand Slam’ që nga 1977.
Tenistja pas këtij triumfi ka fituar rreth 1.8 milion euro. /Lajmi.net
Q1: B Schoofs – 6-1, 6-2
Q2: M Bolkvadze – 6-3, 7-5
Q3: M Sherif – 6-1, 6-4
R1: S Vögele – 6-2, 6-3
R2: Z Shuai – 6-2, 6-4
R3: SS Tormo – 6-0, 6-1
R16: S Rogers – 6-2, 6-1
QF: B Bencic – 6-3, 6-4
SF: M Sakkari – 6-1, 6-4
F: L Fernandez – 6-4, 6-3@EmmaRaducanu at the #USOpen pic.twitter.com/1MkN7ZI44K— Amazon Prime Video Sport (@primevideosport) September 11, 2021