Zyrtare: Osvaldo i Interit
Pablo Daniel Osvaldo është futbollist i ri i Interit. Sulmuesi i është bashkuar Nerazzurrëve në formë huazimi për një stinor, nga klubi anglez Southampton.
Sport
Mungonte vetëm zyrtarizimi, por tani erdhi. Pablo Daniel Osvaldo rikthehet në Itali. Nëpërmjet një komunikate të publikuar në faqen zyrtare.
Southampton ka njoftuar se sulmuesi i është bashkuar Interit në formë huazimi me mundësi të blerjes në fund të edicionit.
Po ashtu, në ndërkohë klubet kanë zyrtarizuar edhe kalimin e mesfushorit Taider në drejtim të kundërt. Inter dhe Osvaldo fillojnë së bashku me shumë dëshirë për fitore dhe rikthimin në kulm, në Itali dhe Evropë.
Osvaldo ishte i huazuar në Juventus në pjesën e dytë të edicionit të kaluar, por Bianconerët nuk e shfrytëzuan opsionin e blerjes së tij.