Zbulohet problemi i Lewandowskit në Bayern Munich
Robert Lewandowski nuk është i lumtur në Bayern Munich.
Sport
Robert Lewandowski duket se është gjithnjë e më i vendosur për t’u larguar nga Bayern Munchen.
Nga ana e tij, Bayern Munchen në disa raste ka deklaruar se Lewandowski është i patransferueshëm, por e gjithë kjo ndodh sepse Bayern nuk e sheh veten si një ekip që shet lojtarë dhe jo për vlerën që ka Lewandowski në klub. Për më tepër, drejtuesit e Bayern nuk i dolën në mbrojtje sulmuesit polak, kur ky i fundit u kritikua ashpër nga disa ish-futbollistë dhe ekspertë për sjelljen e tij në fushën e lojës në ndeshjet kyçe.
Robert Lewandowski ka me Bayern një kontratë deri në vitin 2021, por prej muajsh ai është vënë në qendër të zërave të merkatos. Së fundmi, ai ndërroi edhe agjentin e tij për të nisur kërkimet për një skuadër të re për të vijuar karrierën, por ka hasur në rezistencën e kampionëve të Gjermanisë që nuk kanë ndërmend ta lejojnë të largohet, pavarësisht gjithçkaje.