Wenger konfirmon largimin e Vermaelenit
Arsene Wenger ka pranuar se Thomas Vermaelen do të largohet nga Arsenali ndërsa konfirmoi se Manchester United është një prej klubeve që ka paraqitur ofertë për transferimin e tij.
Sport
Thomas Vermaelen do të largohet nga Arsenali, gjatë këtij afati kalimtar të verës, ka konfirmuar menaxheri Arsene Wenger.
Po ashtu, strategu i gjigantit londinez ka bërë të ditur se rivali i Premierligës, Manchester United, është një prej klubeve të interesuara për transferimin e tij.
“Po, Manchester United është një prej klubeve që kanë paraqitur oferta. Vermaelen do të largohet sepse ka nevojë të luajë. Jemi në një pozitë e cila është e vështirë për t’i qëndruar në rrugë”, u shpreh Wenger gjatë një konference për shtyp.
Vermaelen së fundmi është përmendur edhe si objektiv i Barcelonës.