Vëllai 16 vjeçar i Bersant Celinas, Loti, debutoi për Stromsgodset (FOTO)
Loti Celina, vëllai i yllit te Përfaqësueses së Kosovës, Bersant Celinas, ka bërë një hap të madh në karrierën e tij.
Sport
16 vjeçari sot ka debutuar me skuadrën e parë të Stromsgodset.
Skuadra norvegjeze Stromsgodset, ka barazuar 0-0 në miqësoren me skuadrën kineze Hebei,e cila për trajner ka Manuele Pellegrinin.
Interesant është fakti se ishte pikërisht Manuel Pellegrini që ia kishte dhënë mundësinë e debutimit te Bersant Celinas te Manchester City edicionin e kaluar.
Loti Celina, që në debutim u përballë me një yll të madh të futbollit. Ai në këtë ndeshje pati punë me Ezequiel Lavezzin.
“Ishte diçka e veçantë. Unë e di se kush është ai, kjo është një e arritur e madhe. Ai luajti një ndeshje shumë të mirë”, deklaroi Celina pas ndeshjes.
Loti Celina po ashtë është pjesë edhe e Përfaqësueses U19 të Kosovës./Lajmi.net/