Vdiq futbollisti Gregory Mertens
Futbollisti i Sporting Lokeren, Gregory Mertens, vdiq sot pas sulmit kardiak që pësoi në duelin kundër Genkut të hënën.
Sport
Gregory Mertens, futbollisti që pësoi sulm kardiak gjatë paraqitjes me ekipin e dytë kundër Genk, ka vdekur, ka bërë të ditur klubi i tij, Sporting Lokeren, nëpërmjet një komunikate në faqen zyrtare.
24-vjeçari e humbi vetëdijen gjatë takimit të së hënës, pasi ishte rrëzuar në fushë, ndërsa u dërgua në spital.
Doktori i klubit, Kris Petters pranoi të mërkurën se situata “nuk duket e mirë”, kurse të enjten njoftoi për lajmin tragjik se futbollisti e ka humbur betejën për jetë.