Victor Valdes e përshëndët Barcelonën. Portieri spanjoll i ka përshëndetur bashkëlojtarët e skuadrës të hënën, shkruan e përditshmja spanjolle ‘Mundo Deportivo’.

Përfaqësuesi spanjoll e pati një bisedë të shkurtër në zhveshtore me shokët e deritashëm të skuadrës, për t’i përshëndetur të gjithë një nga një.

Ndërkaq, Valdes, i cili e pësoi një lëndim të rëndë muaj më parë, që e la jashtë fushës së blertë për pjesën tjetër të sezonit, pritet të përshëndetet edhe me tifozët në Camp Nou, gjatë ndeshjes me Atletico Madridin.

Sipas të gjitha gjasave, 32 vjeçari mund t’i bashkohet Monacos gjatë verës. Valdes ka fituar gjithçka me Barcelonën në 10 vjetët e fundit.