Top 10 arsyet e shkarkimit të Moyesit
David Moyes nuk është më menaxher i Manchester Unitedit. Ai u shkarkua sot pas vetëm dhjetë muajsh në detyrë. Lexoni dhjetë arsyet kryesore për largimin e tij nga Old Trafford.
Sport
David Moyes u shkarkua sot nga posti i menaxherit të Manchester Unitedit.
Strategu skocez u lirua nga detyra pas vetëm dhjetë muajsh nga emërimi si pasardhës i Sir Alex Fergusonit. Pse erdhi deri këtu?
Çka i detyroi drejtuesit e klubit të marrin këtë vendim? Lexoni top 10 arsyet e shkarkimit të Moyesit.
1) Për herë të parë në edicionin e Premierligës, Everton, Manchester City dhe Liverpool e mposhtën Manchester Unitedin në shtëpi dhe udhëtim.
2) Everton për herë të parë realizoi fitore në të dyja ballafaqimet kundër Unitedit, nga edicioni 1969/70.
3) Manchester United, për herë të parë në Premierligë pranoi gol në minutën e parë. Atë ia shënoi Edin Dzeko në derbin e qytetit kundër Manchester Cityt.
4) Tashmë është e sigurt se Manchester United do të përfundojë sezonin me bilancin më të vogël të pikëve në histori të Premierligës.
5) Manchester United nuk do të kualifikohet në Ligën e Kampionëve, për herë të parë nga viti 1995.
6) Manchester United pësoi tri humbje të njëpasnjëshme, për herë të parë nga viti 2001.
7) Eliminimi në rrethin e tretë të FA Cup, dështim që ndodhi vetëm një herë gjatë 26 vjetësh të drejtimit të Sir Alex Fergusonit.
8) Humbja e parë ndonjëherë në shtëpi nga Swansea.
9) Humbja e parë ndonjëherë në shtëpi nga Newcastle nga 1972, dhe West Bromwich Albion nga 1978.
10) Humbja e parë në ligë nga Stoke nga viti 1984.