Kjo pasi skuadra angleze ka humbur betejën e mbijetesës dhe nga sezoni i ardhshëm do të paraqitet në Championshipin anglez, shkruan lajmi.net.

West Bromi pësoi humbje nga Arsenali në kuadër të xhiros së 35-të të Premierligës, gjë që shkaktoi rënien e tyre nga elita e futbollit anglez.

Për skuadrën e West Bromit kjo nuk është hera e parë, por për menaxherin e saj, Sam Allardyce po!

Në fakt, Allardyce kishte krijuar reputacion në Premierligë si menaxher i “shpëtimit” të skuadrave nga rënia e ligës.

Kjo pasi ai asnjëherë në karrierën e tij nuk kishte rënë nga liga me skuadrat e tij.

Ironik është fakti se West Bromi shkarkoi trajnerin Slaven Bilic për ta zëvendësuar atë me Allardyce në mënyrë që të arrijë objektivin e qëndrimit në ligë.

Tani, West Bromi i bashkohet Sheffield United në betejën e humbur dhe bëhet skuadra e dytë që bie nga liga./Lajmi.net/