Liverpool pret që Real Madrid sërish të paraqet ofertë prej 45 milionë funtesh për sulmuesin Luis Suarez pas rihapjes së afatit kalimtar në janar.

Ylli uruguaian ishte objektiv i gjigantit spanjoll gjatë afatit kalimtar të verës – kur pranoi publikisht se dëshiron të kalojë në Santiago Bernabeu – por klubi nga Anfield Road insistoi në qëndrimin e tij.

Mirëpo, sipas medieve britanike, Liverpool nuk e ka ndërmend të zbresë kërkesën prej 55 milionë funte për cilindo klub që e do Suarezin.

Sulmuesi, në fundjavë bëri paraqitjen e parë në Premierligë pas rikthimit nga suspendimi prej dhjetë ndeshjes pas kafshimit të mbrojtësit të Chelseas, Branislav Ivanovic dhe e shënoi me stil duke realizuar dy herë në fitoren 3-1 kundër Sunderlandit.

Por, Suarez besohet se ende është i interesuar të transferohet në Madrid dhe menaxheri i tij Pere Guardiola është po ashtu i lumtur t’ia plotësojë dëshirën.