James Rodriguez – Real Madrid, ja ku jemi. Sulmuesi kolumbian pritet të transferohet sot në Santiago Bernabeu nga Monaco, për t’u bërë njëri prej futbollistëve më të shtrenjtë në histori të futbollit.

Ylli i Botërorit të fundit do t’i kushtojë kampionit aktual evropian 88 milionë euro, ndërsa zyrtarizimi mund të arrijë qysh sot.

Sulmuesi kolumbian ka zbuluar vetë se ëndërron të luajë për Mbretërit e Madridit dhe duket se ëndrra e tij po bëhet realitet.

Nëse gjithçka shkon sipas parashikimeve, 23 vjeçari mund të bëhet lojtari i tretë më i shtrenjtë në histori të futbollit, pas Gareth Bale e Cristiano Ronaldo.