Afati kalimtar i verës u mbyll dhe është koha për të nxjerr konkludime. Milan ka qenë në qendër të shumë marrëveshjeve në shitblerje të futbollistëve.

Nga skuadra u larguan yje si Mario Balotelli, Leite Kaka e Robinho, por në San Siro kanë zbarkuar futbollistë të tjerë të mirënjohur si Fernando Torres, Diego Lopez, Jeremy Menez, Alex e të tjerë.

Në total, Rossonerët kanë shpenzuar 14.35 milionë euro në blerje ndërsa kanë përfituar 37.1 milionë euro nga shitjet. Financiarisht, marrëveshje të mira.

Por, një fakt brengosës për tifozët e Milanit mund të jetë ai se mosha mesatare në skuadër ka shënuar rritje nga 25 – në verën e vitit të kaluar – në 27 aktualisht.