Malaga po punon për një angazhim të mundshëm të Tata Martinos, nëse Bernd Schuster vendos të largohet përfundimisht nga ‘La Rosaleda’, njofton Cadena SER.

Trajneri gjerman duket se e ka humbur dëshirën për të vazhduar dhe do të largohet shumë shpejtë.

Për këtë, Malaga po mendon t’ia besojë detyrën e trajnerit, argjentinasit, i cili aktualisht është në krye të gjigantit katalunas.

Duhet kujtuar se para se të nënshkruante me Barçën, Martino ishte në bisedime edhe me Malagan, në verën e vitit 2013.

Martino e ka paralajmëruar largimin nga Camp Nou gjatë verës, pasi nuk ishte i kënaqur me atë që bëri në gjigantin katalunas, edhe pse tash iu ofrua mundësia ta fitojë titullin e kampionit në La Liga, nëse e mposht Atletico Madridin në ndeshjen e fundit të sezonit.