Ylli egjiptian është shpërblyer për sezonin e tij të pabesueshëm të debutimit në “Merseyside” me një marrëveshje të përmirësuar pesëvjeçare.

Salah shënoi 44 gola në të gjitha garat, pas kalimit të tij prej 36.9 milionë paundësh nga Roma, verën e kaluar, dhe do të jetë një figurë kryesore për skuadrën e Jurgen Klopp, e cila synon të vazhdojë të garojë për trofetë më të mëdha.

Çështja kryesore, duke pasur parasysh raporte të gjera të interesimit nga Real Madridi, është se marrëveshja e re e Salah nuk përmban asnjë klauzolë lirimi, me 26-vjeçarin dhe përfaqësuesit e tij të lumtur që e lidhin të ardhmen e tyre në këtë klub.

Salah, kuptohet, është i lumtur në “Merseyside” dhe vlerëson rolin që Klopp dhe klubi kanë luajtur në zhvillimin e tij. Duke reflektuar mbi lajmet e marrëveshjes së re të Salah, Klopp i tha faqes zyrtare të Liverpool: “Mendoj se ky lajm mund të shihet për atë që është; duke shpërblyer një person që luajti dhe kontribuoi shumë për ekipin dhe klubin sezonin e kaluar.

Kjo tregon edhe dy gjëra shumë të qarta: besimin e tij te Liverpool dhe besimin tonë tek ai. Ne duam që talenti i klasit botëror të shohë se ka një shtëpi në “Anfield”, ku mund të përmbushë të gjitha ëndrrat dhe ambiciet e tij profesionale. Ne po punojmë së bashku për ta arritur këtë.

Kur dikush si Mohamed Salah angazhohet dhe thotë se ky vend është shtëpia ime tani, ai flet shumë me zë të lartë, mendoj. Po ashtu, angazhimi ynë ndaj tij thotë se e shohim vlerën e tij dhe dëshirojmë që ai të rritet edhe më shumë dhe të arrijë edhe më mirë brenda mjedisit tonë.

Gjëja kryesore për të kujtuar për Mohamed është se ai kurrë nuk e sheh veten si më të rëndësishëm se skuadra, apo dikush tjetër brenda saj. Ai i njeh shokët e tij dhe ky klub e ndihmoi atë të arrinte sukses individualisht sezonin e kaluar. Ai sheh se çmimet individuale vijnë, sepse është pjesë e diçkaje më të madhe, që është e veçantë.

Mohamed pasqyron se ku jemi si ekip, mendoj. Sezoni i kaluar ishte i veçantë, me shumë momente të veçanta, por ne duam më shumë. Ne duam të jemi më të suksesshëm dhe të arrijmë më shumë së bashku”.